Les mots surlignés font l'objet d'une note
1les fors de ceste ville et poursuys le plus deligement
2quil mest possible tellement que je pretemds dans
3la fin de ceste sepmeyne les troys tours du château
4estre par terre, lesquelles sont certeynement
5fortes et si bien faictes que cependant que il y a
6une seulle bacque à coupper, elles ne peuvent
7tumber. Il en y a une laquelle sert de prisons,
8à laquelle je ney pas encores faict travalher par ce
9que ceulx de ceste ville ont esperance obtenir de
10vous, monsegneur, quelle ne soyt poinct abattue,
11ny les pans de lenceinte de leurs muralhies, semblablement
12pour les garder des loups. La tour quilz demandent
13nest pas grand fort, ayant osté les troys aultres ;
14et quant aux muralhies ayant osté une partie
15des flans, on ne sen sauroyt servir. Toutesfoys,
16monsegneur, si je ney nouveaulx commandement
17de vous, je ferey tout mettre à rès de terre
18tellement que qui sen vouldra servir, en fera une neufve.
19Je prie le Createur vous avoyr
20monsegneur, en sa saincte et digne garde. De La Coste
21Sainct André, ce troixieme febvrier 1574.
22Votre très humble et très hobeissant serviteur
23Expilly